ДӘРІГЕРЛЕРГЕ БОНУС ТӨЛЕНЕДІ: ОНЫ КІМДЕР АЛА АЛАДЫ?
![](https://alashinfo.kz/wp-content/uploads/2023/09/8-1.jpg)
Қазақстанда науқастардан онкологияны және туберкулезді ерте анықтаған дәрігерлерге бонус төленеді. Бұл туралы Денсаулық сақтау министрі Ажар Ғиният айтты.
Биыл алты айда қатерлі ісікті ерте анықтау (диагностика) көрсеткіші 5,6% өскен.
Ауруды ерте анықтау мақсатында амбулаториялық-емханалық ұйымдар қызметінің сапасы мен нәтижесі үшін мамандардың жалақысына қосымша ақы төлеу түріндегі ынталандыратын пилоттық жоба басталды. Мысалы, учаскелік дәрігер науқастан онкологиялық ауруды және туберкулезді ерте анықтаған жағдайда, оған 5 айлық есептік көрсеткіш мөлшерінде (17 250 теңге, 1 АЕК – 3450 теңге) бонус төленеді, — деді министр Үкімет отырысында.
Қосымша ақы төлеу 6 индикатор бойынша анықталған:
- Медициналық-санитариялық алғашқы көмек деңгейінде алдын алуға болатын онкологиялық аурулар;
- Туберкулез;
- Ана мен бала өлімін ерте анықтау;
- Жүрек-қантамыр жүйесі ауруларының асқынуы бар (миокард инфарктісі, инсульт, созылмалы жүрек жетіспеушілігі) науқастарды емдеуге жатқызу деңгейі;
- 2 типті қант диабеті асқынуы бар науқастарды емдеуге жатқызу;
Денсаулық сақтау министрі амбулаториялық дәрі-дәрмекпен қамтамасыз ету ұлғайғанын, 2019 жылы 48 ауру бойынша дәрі-дәрмек сатып алынғанын айтты. Ажар Ғинияттың дерегінше, 2023 жылы аурулардың тізбесі 3,8 млн адамды қамтып, 126-ға дейін артқан.