ТҮРКІСТАН ОБЛЫСЫНДА ІСКЕ ҚОСЫЛАТЫН КӘСІПОРЫН 70 АДАМДЫ ЖҰМЫСПЕН ҚАМТИДЫ
![](https://alashinfo.kz/wp-content/uploads/2024/07/1-1-905x613.webp)
Өңірде кептірілген жемістерді жаңа технологиямен шығаратын кәсіпорын ашылады. Жаңа жобаға ауғанстандық инвесторлар есебінен 1 миллион АҚШ доллар көлемінде инвестиция салынады.
«Turkistan Invest» ЖШС басқарма төрағасы Берік Кенжебаев шетелдік инвесторлармен кездесіп, келіссөз жүргізді. Нәтижесінде «Түркістан» ӘКК» АҚ және «TURKISTAN INVEST» ИТЭДАА» ЖШС-мен «Талифа» ЖШС арасында ынтымақтастық туралы меморандумға қол қойылды.
Кәсіпкерлер дайын өндіріс алаңын және экобазар аумағындағы сақтау қоймаларын аралап көрді. Инвестициялық жобаның басты мақсаты – сұранысы жоғары кептірілген дайын өнімдерді облыс аумағынан шығарып, жергілікті тұрғындарды жеміс-жидектермен қамтамасыз ету. Кептірілген жемістерді «Made in Kazakhstan» маркасымен шетелдерге экспортқа шығару.
Кептірілген жемістердің кең ассортиментін дайындау мақсатында жергілікті кооперативтер мен жеке шаруашылықтарға инновациялық технологияны енгізу мен тарату жоспарлануда. Сондай-ақ ауқымды жоба халықты қосымша жұмыспен қамтамасыз етуге де ықпал етеді. Жоба толық жүзеге асқан жағдайда жергілікті 70 адам жұмыспен қамтылады.
Айта кетейік, бұған дейін Түркістан облысында қуаты 1000 мвт-қа жететін бу-газ қондырғысының құрылысы жүріп жатқанын жазған болатынбыз.
Жаңа жобаның құрылысы 2024 жылы басталып, 2026 жылы аяқталады деп жоспарланған. Құрылыс жұмыстары жүргізу барысында 2 мыңнан астам уақытша, жоба толық іске қосылғанда 200-ден астам адам тұрақты жұмыспен қамтылады.