ШЕТЕЛДЕ ҚАЗАҚСТАННЫҢ ҚАНДАЙ ТАУАРЛАРЫ ТАНЫМАЛ
Сауда және интеграция министрі Арман Шакқалиев шетелдік сауда платформаларында сұранысқа ие қазақстандық тауарлар туралы айтып берді.
«Қытайда ең алдымен, Қазақстанның тамақ өнімдері танымал, олар – бал, кондитерлік өнімдер және алкогольді сусындар. Тағам тауарлары электронды платформаларда танымал және сұранысқа ие», — деп жауап берді Арман Шаққалиев Үкімет үйінде өткен баспасөз мәслихатында.
Басқа елдер бойынша министр әр мемлекетте әртүрлі тауарлар сұраныста екенін жеткізді.
«Жалпы алғанда, халық тұтынатын тауарлар, азық-түлік, қолөнермен байланысты бұйымдарымыз танымал. Қолдан жасалған бұйымдар бойынша қызықты сатылымдар бар. Еуропалық және америкалық нарықтарда зергерлік бұйымдарымыз сұранысқа ие», — деп толықтырды Арман Шаққалиев.
Бұған дейін Сауда министрі қазақстандықтар онлайн дүкендерден қандай тауарларды жиі алатынын айтқан еді.
ПІКІР ЖАЗУ
Сайтымыздың мобильді қосымшасын жүктеп алыңыз.
