138 000 ТЕҢГЕ СЫЙАҚЫ КІМДЕРГЕ ТҮСІП ЖАТЫР?

Бүгінде әлеуметтің арасында сан түрлі мәселе бар. Оның ішінде баспаналы болуды қалайтын азаматтардың саны көп. Осы орайда, мемлекет тарапынан Отбасы банк салымшыларына сыйақы түсті, деп хабарлайды alashinfo24 порталы el.kz-ке сілтеме жасап.

Жылда Мемлекеттен 20 пайыздық 200 АЕК (2023 жылы 1 АЕК 3 450 теңгеге тең) немесе 690 000 теңгеден аспайтын сыйлықақы түседі. Егер осы жыл ішінде Отбасы банктің депозит ұстаушысы осы қаражатты өз шотына жинаса немесе оларды бір мезгілде енгізсе, онда ол 2023 жылдың қорытындысы бойынша ең жоғары сыйлықақыны – 138 000 теңгені алады. Сіздің жинаған қаражатыңыз бұл сомадан аз болса да, сол жинақтың 20%-ы шотыңызға түседі.

Мемлекет тарапынан 20% көлемінде бонус алуға үлгеру үшін Отбасы банктің салымшылары былтырғы 29 желтоқсанға дейін өз депозиттерін толықтырып үлгеруі тиіс еді.

Айта кетейік, 2023 жылғы 1 желтоқсандағы жағдайға сәйкес Отбасы банктегі жеке тұлғалардың салым мөлшері 2,296 трлн теңгені құраған.