ШЫМКЕНТТІК ЖАСТАР ҚОРШАҒАН ОРТАНЫ ҚОРҒАУ МӘСЕЛЕЛЕРІН ТАЛҚЫЛАДЫ
Шымкентте қоршаған ортаны қорғауда белсенді болу, экологиялық сана мен мәдениетті қалыптастыру, экологиялық өмір салтын насихаттауда жоғары оқу орындары студенттері арасында семинар-тренинг басталды. Шымкент қалалық ішкі саясат және жастар істері жөніндегі басқармасының бастамасымен қолға алынған басқосу М.Әуезов атындағы ОҚУ студенттері арасында өтті. Қалалық Жастар ресурстық орталығы басшысының орынбасары Аружан Әлжан «Бірге –Таза Қазақстан» семинар-тренингінің маңыздылығы тоқталып, мұндай іс-шаралар жастарды туған табиғатқа қамқорлық жасау идеясының төңірегінде біріктіре алатын атап өтті.
Іс-шарада қаламыздың тазалығын сақтау, экологиясын жақсарту, насихаттау жұмыстары бойынша ұсыныс-пікірлер ортағы салынды, еріктілер жұмысы және алдағы жоспарлар талқыланды.
– Өткен жылдан бері қаламызда Мемлекет Басшысы Қасым-Жомарт Тоқаевтың тапсырмасы аясында “Таза Қазақстан” жалпыұлттық экологиялық акциясы өтіп жатыр. Университет жастары қала тазалығына, экологияны жақсартуға арналған барлық іс-шараларға белсенді атсалысып келеді. Бұл бағдарлама туралы айтқанда біздер тек сенбіліктерді ғана айтуымыз мүмкін. Бүгінгі семинарда экологиялық сана мен мәдениетті көтеруде, қоршаған ортаға ұқыппен қарау және насихат жұмыстарындағы бірқатар біз біле бермейтін білімдер алдық, — деп атап өтті М.Әуезов атындағы ОҚУ студенті Шамшат Әлиасқар.
Аталған семинар-тренинг Шымкенттегі өзге ЖОО және колледждерде жалғасын табады.
ПІКІР ЖАЗУ
