“ОРМУЗ БҰҒАЗЫ АРҚЫЛЫ БІР ЛИТР ДЕ МҰНАЙ ЭКСПОРТТАУҒА МҮМКІНДІК БЕРІЛМЕЙДІ“ — ИРАН ӘСКЕРИЛЕРІ

Иранның Қарулы күштері Ормуз бұғазындағы жағдайды толық бақылауда ұстап отырғанын және «жаулар мен олардың серіктестеріне» мұнай экспорттауға жол бермейтінін мәлімдеді. Бұл туралы Ислам революциясы сақшылар корпусының өкілі Сардар Наини хабарлады.

«Иран халқы мен оның инфрақұрылымына қарсы АҚШ армиясы мен сионистік режимнің жалғасып жатқан агрессиясы жағдайында Иранның Қарулы күштері келесі хабарламаға дейін аймақтан бір литр де мұнай экспорттауға мүмкіндік бермейді», — деді Сардар Наини ирандық Tasnim агенттігіне берген сұхбатында.

Оның айтуынша, ирандық зымырандар мен дрондар қаупіне байланысты америкалық кемелер мен ұшақтар Ираннан 1000 шақырымнан аса қашықтықта тұр. Сонымен қатар, америкалық әскерилер мен израильдік күштер аймақтағы қалалар мен қонақүйлерде жасырынуға мәжбүр.

ИРСК өкілі Иран Қарулы күштері «қақтығыстың аяқталу мерзімін анықтайтынын» және Ормуз бұғазында америкалық Gerald R. Ford әуе тасымалдаушы кемесін қарсы алуға дайын екенін қосты.